Mkoa una jumla ya Shule za Msingi 723 ambapo za Serikali ni 523 na binfsi ni 200.
Elimu bure katika Mkoa wangu imeweza kusaidia ongezeko la wanafunzi wanaojiunga na elimu ya Msingi na Sekondari;
Kwa mwaka 2015 kabla ya Elimu bure wanafunzi walioandikishwa kujiunga na Darasa la Kwanza walikuwa 45,153 na mwaka 2016 baada ya Elimu bure wanafunzi 55,968 walijiunga na Darasa la Kwanza, kufikia Februari ,2018 waliojiunga walikuwa 56,309.
(ii) Mwaka 2018 kati ya wanafunzi 29,521 waliofaulu na kupangiwa
shule 27,261 ndio walijiunga na Kidato cha Kwanza hii ni sawa
na 93%.
Hii imesababishwa na kiasi cha fedha kinachotolewa katika shule, mfano kuanzia Januari, 2016 hadi Februari, 2018 zaidi ya shilingi Bilioni 14 zilipelekwa katika shule za Msingi na shilingi Bilioni 32.7 kwa Shule za Sekondari.
Katika kuboresha miundombinu ya shule. Mwaka 2016/2017 zaidi ya shilingi Bilioni 1 zilitolewa kujenga Madarasa na Mabweni ya Kidato cha Tano na Sita katika shule za Mwandeti, Mlangarini, Nainokanoka na Loliondo.
