Malengo ya jumla ya Serikali ya Awamu ya Tano katika sekta ya kilimo ni kukifanya kilimo kuwa cha kisasa na cha kibiashara na chenye tija ili kuhakikisha kuwa Taifa letu linajitosheleza kwa chakula, kuimarisha uchumi, kuongeza kipato cha mkulima, kuwa kichocheo cha kukua kwa viwanda na kuongeza ajira. Katika muktadha huo, Mkoa wa Arusha umetekeleza mikakati ifuatayo:
Upatikanaji wa pembejeo-
Jumla ya wakulima 7,000 wamepewa ruzuku ya mbegu na pembejeo;
Jumla ya tani za mbolea 3550 ziligawiwa kwa wakulima;
Jumla ya tani 375 za mbegu bora za mazao ya chakula zilisambazwa kwa wakulima.
Program za elimu ya kilimo cha kisasa-
Wakulima 41,449 walifundishwa matumizi ya teknolojia ya kisasa na zana za kilimo;
Wakulima 42,667 waliofundishwa mbinu za kilimo na kanuni za kilimo bora;
Jumla ya mashamba darasa 277 ya wakulima yalianzishwa ili kuonesha utekezaji wa kanuni za kilimo bora;
Jumla ya wakulima 17,001 Wamepewa mafunzo ya kulima kwa tija na kutumia ipasavyo miundombinu ya umwagiliaji iliyopo.
Masoko ya mazao - Jumla ya Maghala 4 ya mazao yamejengwa na sekta binafsi na kudhibiti masoko ya mazao ghalani.
